Disney+ incrementa o seu prezo un ano máis

Hai un ano Disney+ sumouse á tendencia da suba de prezo dos servizos de streaming, levando o seu plan estándar de 8,99 a 9,99 euros/mes (ou de 89,90 a 99,90 euros/ano) e o plan premium de 11,99 a 13,99 euros/mes (ou 119,90 a 139,90 euros/ano), pero no mes de novembro os prezos volven subir, colocándose o plan estándar a 10,99 euros/mes ou 109,90 euros/ano, e o plan Premium queda en 15,99 euros/mes e 159,90 euros/ano.
Nesta ocasión o plan estándar con anuncios, que conxelara o prezo o ano pasado, sube ata os 6,99 euros/mes, o que pode resultar bastante sorprendente, xa que Disney leva un par de anos reducindo considerablemente a produción de películas e series de grandes franquías como Marvel e Star Wars, que foran o grande reclamo da plataforma, e compensar a fidelidade dos subscritores reducindo contidos e incrementando prezos non parece o máis razoable nun momento no que o mercado do streaming está moi revolto, e os consumidores son conscientes de que contratar as principais plataformas á vez non é asumible economicamente.