EGANET difunde o valor engadido do uso do galego nas empresas TIC

A Asociación Galega de Empresas Galegas Adicadas a Internet e ás Novas Tecnoloxías (EGANET) vai compartir, mañá venres, as súas súas reflexións sobre o galego e a empresa no sector TIC cos escolares do IES de Barro e do CPI Aurelio de Cuntis, para conmemorar o Día das Letras Galegas e Día de Internet que terá lugar o vindeiro domingo e que todos os escolares celebrarán o venres case sen excepcións.
María Xosé Jamardo, coordinadora da Asociación, vai ser a encargada de pronunciar o relatorio que levará por título O galego, un valor engadido para as empresas. Casos de éxito nas TIC galegas, ás 10:00 no instituto de Barro é ás 12:30 no CPI de Cuntis.