En febreiro Game Pass incluirá Watch Dogs: Legion

Estamos ante unha grande semana para os subscritores do Game Pass, pois hoxe mesmo chegou para os subscritores Ultimate e de PC o agardado xogo Avowed, dispoñible para Xbox Series X|S, PC e a nube, pero non quedará a cousa aí, senón que o xoves tamén se incorporarán os xogos EA Sports F1 24 e Warhammer 40.000: Rogue Trader.
Aínda que só con Avowed xa hai quen consideraría un bo mes para o Game Pass, vai seguir recibindo xogos interesantes, destacando especialmente Watch Dogs: Legion, sogo para consola, PC e nube que estará dispoñible para todos os subscritores do Game Pass a partir do 25 de febreiro.
Dende Microsoft tamén destacan que os subscritores de Game Pass Ultimate poden gozar en streaming do xogo Ryse: Son of Rome, que tamén é un título moi interesante ao que botar un ollo para quen non o mercase con anterioridade ou o adquirise a través dos Xogos con Gold en 2017.