Epic Games agasalla 3 grandes xogos até o 9 de xaneiro

A tenda de xogos de Epic Games ten até o vindeiro 9 de xaneiro un importante incentivo para animar aos xogadores a apostar por esta plataforma de xogos descargables que como principal reclamo ten a Fortnite, pero que conta cun catálogo de xogos que medra rapidamente e quere competir con Steam, o que non resulta nada doado. Aparte das habituais rebaixas das tendas de videoxogos, a tenda dixital está a ofrecer totalmente de balde 3 grandes xogos estes días: Darksiders Warmastered Edition, Darksiders II Deathinitive Edition e Steep.
Darksiders Warmastered Edition é a remasterización do primeiro xogo da serie Darksiders, que destacaba por lucir deseños do debuxante de banda deseñada Joe Madureira, e que presentaba ao xinete da Apocalipse Guerra nunha aventura para evitar a anticipación da fin do mundo. Trátase dun xogo de grandes combates e exploración, no que algúns definiron como un Zelda para adultos.
A este xogo colleulle o relevo Darksiders II, protagonizado deste volta por Morte, outro dos xinetes da Apocalipse, que desta volta destaca por contar coa axuda do seu cabalo Desesperación para desprazarse máis rápido polas áreas abertas.
Pola súa banda, Steep é un xogo moi diferente aos anteriores, xa que trátase dun simulador de deportes extremos de inverto, que convídanos a explorar montañas esquiando, en táboa de snow, facendo parapente ou incluso nun traxe de ás. Unha proposta orixinal á que poderemos sumarnos de balde grazas a esta promoción de Epic Games.