Epic Games agasalla os primeiros xogos de Castlevania

A tenda de xogos de Epic Games ofrece até o vindeiro día 21 a posibilidade de que incorporemos á nosa colección de xogos completamente de balde a recompilación Castlevania Anniversary Collection, que permite lembrar as orixes da franquía de xogos de vampiros de Konami a través das súas primeiras entregas.
Os xogos incluídos son Castlevania, Castlevania II Simon’s Quest, Castlevania III Dracula’s Curse, Super Castlevania IV, Castlevania The Adventure, Castlevania II Belmont’s Revenge, Castlevania Bloodlines e Kid Dracula (nunca publicado en inglés), xunto cun libro electrónico con información dos desenvolvedores, artistas e outros que se inspiraron no legado de Castlevania e axuda a ilustrarnos sobre ese mundo que leva tantos anos cativando aos xogadores.