Esta semana sae á venda unha nova entrega do popular Brain Training para Nintendo DS

Este venres porase á venda a segunda parte de Brain Training, un dos títulos para Nintendo DS de máis xéito, que axuda a mellorar a actividade cerebral dándolle novos retos ós miolos e, se iso non fose atractivo suficiente para chamar a atención no xogo, Nintendo vén de fichar á actriz australiana Nicole Kidman para a campaña promocional de Más Brain Training.
Kidman declarouse afeccionada á Nintendo DS e destacou que lle “encanta o concepto de Nintendo achegándose a novas audiencias mellorando os seus propios produtos como Brain Training”. Tamén recoñeceu que adestrar o seu cerebro lle permite manter a súa mente nova.
O Más Brain Training achega 14 novos xogos e máis diversión multixogador (con 4 minixogos que aceptan ata 16 xogadores) e se poderá mercar en tendas españolas a un prezo recomendado de 29,95 euros.