Estréase na Rede un concurso centrado na industria pornográfica

David Caspian (concursante), Keiran Lee e Asa Akira (xuíces) de The Sex Factor

Nos últimos anos vimos como as plataformas de vídeo baixo demanda conseguían facerse un oco na carta de consumo audiovisual habitual, contando con moitos contidos producidos directamente para Netflix, Amazon Prime ou Hulu, e nesta liña están a sorprender con The Sex Factor, un concurso televisivo con toques de reality que preséntase como “unha serie orixinal de xHamster” e que presenta a 8 mozas e 8 mozos competindo por converterse en estrelas do porno, para o que coñecerán os detalles desta industria tan opaca.
Os aspirantes a facerse co premio de 1 millón de dólares contan con estrelas do cine adulto (Asa Akira, Remy LaCroix, Lexi Belle, Tori Black e Keiran Lee) que instruirán e xulgarán aos concursantes desta produción audiovisual que só pode seguirse a través da Internet con periodicidade semanal, o que pretende ser o primeiro de varios reality shows que están a desenvolverse tras a compra dunha produtora audiovisual por parte de xHamster.com, unha das páxinas de vídeos pornográficos máis importantes do mundo, que busca así explorar novos formatos e áreas de negocio.
O éxito de The Sex Factor parece asegurado, pois xa están a realizar as audicións para unha segunda tempada desta serie de episodios de media hora que pretenden desmitificar o mundo do porno, e que a partires de hoxe pasa a someterse ao xuízo dos espectadores que terán que decidir se este formato audiovisual tan gastado pode renovarse con só mudar o ámbito profesional ao que se aplica.