Fatal Fury: City of the Wolves estará presente na Esports World Cup

A saga de xogos de loita Fatal Fury tivo as súas últimas entregas en 1999, pechando por todo o alto co impresionante Garou: Mark of the Wolves, pero SNK quere recuperar esta serie de xogos, polo que o 24 de abril vai pór á venda Fatal Fury: City of the Wolves con versións para PS4, PS5, Xbox Series X|S e PC (Steam e Epic Games) que a partir do verán comezarán a recibir actualizacións a través dun pase de tempada que se espallará até primeiros de 2026.
A ambición deste xogo parece estar clara, pois pretende conseguir relevancia nos circuítos de competición, e como mostra dixo a Esports World Cup Foundation vén de anunciar un acordo de tres anos con SNK para a incorporación do título na Esports World Cup 2025, comezando este mesmo verán no encontro que se celebrará en Riad (Arabia Saudita).
Deste xeito, o espírito competitivo dos xogos de Fatal Fury que se vivía nos salóns recreativos trasladarase aos formatos de competición actuais, achegando esta icónica franquía a novas audiencias de todo o mundo.