Forbes.com revela por qué son tan caros os videoxogos

Igual que o que sucede coa música ou coas películas en DVD, cada vez son máis os usuarios que se queixan dos elevados prezos dos videoxogos, que poden chegar ós 70 euros nalgúns casos. A revista Forbes analiza en profundidade por qué os xogos actuais son tan caros e nun artigo titulado Why Gears Of War Costs $60 (Por qué Gears of War costa 60 dólares) afirma que o principal motivo é que o desenrolo dun videoxogo cada día aseméllase máis a unha superprodución de Hollywood o que implica inversións de ata 20 millóns de dólares por xogo.
Os analistas aseguran que as compañías deben vender a lo menos medio millón de copias dun videoxogo para que este comece a dar beneficios e incluso, nalgúns casos, é preciso vender ata un millón de copias antes de gañar 1 dólar (dos 60 que costa o xogo) por copia vendida.
Se un videoxogo, dende que comeza a ser rendible, só xera 1 dólar de beneficio, é normal que as compañías agarden varios meses antes de comezar a traballar para consolas de novas xeracións, das que non se sabe como van funcionar no mercado co que, a demanda supera con creces á oferta, e isto produce unha consecuente subida dos prezos iniciais.
Deixando á marxe o 1,5% dos beneficios de venda que se obtén dun videoxogo, o resto dos cartos serven para sufragar gastos de marketing, deseño, programación, publicidade, licencias, distribución, custes corporativos...
En concreto, o 45% vai parar á produción e ó deseño do videoxogo e o 55% restante son gastos de fabricación, distribución, publicidade, marketing... aínda que estas porcentaxes son variables e dependen moito do tipo de xogo e de público ó que vai dirixido.