GAIN convoca a primeira edición dos Premios Galicia de Innovación e Deseño
venres, 16 de outubro do 2020
A
Xunta de Galicia,
a través da Axencia Galega de Innovación (GAIN), convocou a
primeira edición dos Premios Galicia de Innovación e Deseño,
uns importantes recoñecementos dirixidos a visualizar e distinguir o
labor das persoas e empresas que están a contribuír “de xeito
significativo ao desenvolvemento económico e social en Galicia a
través da innovación e o deseño”.
Haberá
dúas seccións (innovación e deseño) de categorías cunha contía
total de recoñecementos de 60.000 euros.
En
concreto, con estes premios, informa GAIN, búscase “salientar as
mellores prácticas para que sirvan de exemplo a todo o tecido
empresarial galego, poñendo de relevo como a innovación e o deseño
cumpren un papel esencial para mellorar a competitividade das
empresas e, en definitiva, a calidade de vida das persoas”.
- Patricia Argerey, directora de GAIN, nunha vídeo-conferencia de traballo
As
seccións e as categorías son as seguintes:
·
Sección innovación
Trátase
da sección específica destes galardóns que recoñecerá as persoas
e empresas coas traxectorias e prácticas de innovación máis
destacadas conta con tres categorías:
-
Traxectoria innovadora: 15.000€ Empresarios e profesionais
cunha traxectoria de alomenos dez anos na que a innovación fose unha
das súas características relevantes.
-
Pequena e mediana empresa: 15.000€ Pequenas e medianas
empresas con demostrada actividade innovadora durante alomenos os
últimos cinco anos.
-
Gran empresa: carácter honorífico, para grandes empresas
cunha actividade innovadora ao longo de, como mínimo, a última
década.
·
Sección deseño
Nesta
sección recoñecerase ás persoas e empresas que mellor representen
a contribución do deseño galego á innovación conta con tres
categorías:
-
Profesionais: 15.000€ Profesionais do deseño (persoas
físicas ou equipos de profesionais) cunha traxectoria de alomenos
dez anos de recoñecido prestixio no sector.
-
Deseñadores/as mozos/as: 15.000€ Creadores de ata 35 anos
de idade cunha traxectoria profesional inferior a dez anos.
-
Empresas: carácter honorífico. Distinguirase o labor de
empresas consolidadas que incorporasen o deseño a súa estratexia
empresarial ao longo de, como mínimo, a última década.
Prazos
e requirimentos
O
prazo de presentación de candidaturas ficará aberto ata o 9 de
decembro de 2020. Poderán ser candidatas as persoas físicas e as
persoas xurídicas que teñan polo menos un establecemento permanente
en Galicia, validamente constituído e que manteña a súa
actividade. As candidaturas da categoría Traxectoria innovadora
da sección de Innovación do certame, así como as das categorías
Profesionais e Deseñadores/as mozos/as da sección de
deseño, deberán contar, como mínimo, con dous avais de persoas de
recoñecido prestixio nos ámbitos da innovación e do deseño,
respectivamente.