Gears 5 supera os 3 millóns de usuarios na fin de semana de lanzamento

luns, 16 de setembro do 2019 Marcus Fernández

O agardado Gears 5 chegou a Xbox One e PC a semana pasada no que pode considerase unha estrea sen precedentes, conseguindo superar os 3 millóns de xogadores na súa primeira fin de semana, e converténdose no xogo dentro de Xbox Game Pass que máis usuarios congregou durante a súa semana de lanzamento, superando a calquera outro xogos de Xbox Game Studios da presente xeración.
Gears 5 conseguiría dobrar os resultados de Gears of War 4 na súa primeira semana, e converteríase no xogo de Microsoft máis xogado na súa primeira semana dende Halo 4, o que sería tanto a confirmación de que estamos ante un lanzamento moi sólido, como de que o servizo de Xbox Game Pass está a conseguir un peso moi importante. Podemos entender así que Gears 5 é o meirande incentivo para a contratación de Xbox Game Pass, á vez que o feito de ter contratado o servizo leva aos xogadores a achegarse o lanzamento máis importante do mes, conseguindo así un bo resultado de ambos puntos de vista (os do xogo e os do servizo de subscrición).

PUBLICIDADE