Google permitirá o uso da súa infraestrutura a aplicacións web alleas

Google abriu en probas o seu motor de aplicacións, de xeito que os desenvolvedores de aplicacións web poderán empregar a infraestrutura de Google para a súa implantación.
Google App Engine será de balde inicialmente (para os 10.000 primeiros usuarios) cun uso de recursos limitado, para que no futuro os desenvolvedores poidan contratar maior capacidade.
Nesta fase previa de funcionamento de Google App Engine os desenvolvedores poderán facer uso de 500 Mb de almacenamento, 200 M megaciclos de CPU ao día e 10 Gb de transferencia diaria.
A plataforma para aplicacións de Google permitirá desenvolver páxinas web dinámicas, contará con almacenamento persistente, terá un escalado e balanceo de carga automático para mellorar a dispoñibilidade das aplicacións e permitirá a autentificación de usuarios mediante a API de Google.