Grand Theft Auto VI podería facturar máis de 3 mil millóns de dólares o primeiro ano

Aínda que a industria do videoxogo estea a pasar por un momento crítico pola volta á normalidade tras a pandemia (o que está a provocar numerosos despedimentos e peches de estudios) o sector está esperanzado ante o lanzamento dunha nova entrega de Grand Theft Auto en 2025, poñéndose sobre a mesa unhas previsións económicas de auténtico infarto.
Aseguran que Grand Theft Auto VI chegará no outono a consolas PlayStation e Xbox cunhas reservas que poderían superar os 1.000 millóns de dólares en facturación, pechándose o ano cunha facturación de 3.000 millóns de dólares, superando claramente a calquera outro produto cultura.
Coa estimación duns ingresos de 3.200 millóns de dólares en 12 meses Grand Theft Auto VI superaría os ingresos das grandes producións cinematográficas, e incluso superaría os resultados dos dous grandes éxitos de 2024 xuntos: Del Revés 2 e Deadpool y Lobezno.
O feito de que o tráiler de Grand Theft Auto VI superase os 231 millóns de reproducións e teña preto dun millón de comentarios deixa claro que o interese polo vindeiro grande xogo de Rockstar Games é moi importante, aínda que iso tampouco é ningunha sorpresa se temos en conta o éxito de Grand Theft Auto V, que non só tivo boas vendas cando se lanzou en 2013 para Xbox 360 e PlayStation 3, senón que tamén repetir boas cifras nas súas revisión para as dúas seguintes xeracións de consolas, manténdose aínda hoxe como un dos xogos máis vendidos de cada mes.