HBO Max sube de prezo en España

martes, 13 de xuño do 2023 Marcus Fernández

O río das plataformas de streaming continúa revolto, e non precisamente a favor dos consumidores, como constata HBO Max, que vén de subir o seu prezo mensual en España de 8,99 a 9,99 euros, suba de prezos que tamén se aplican aos consumidores que aproveitaron a promoción de relanzamento coa que gozan dun 50% de desconto (polo que experimentarían unha suba de prezo de 50 céntimos). En contraste, a tarifa de 69,99 euros/anos non muda de prezo.
A suba de prezo non vén acompañada de melloras nas aplicacións nin no catálogo do servizo e, de feito, espérase que empeore a súa oferta de contidos durante os vindeiros meses por mor dos adiamentos provocados pola folga de guionistas en EE.UU. e polos recortes que está a facer Warner para facer viable o negocio do streaming.

PUBLICIDADE