Halo 3 aparece na Internet antes do seu lanzamento oficial

A vindeira semana será o lanzamento mundial do agardado xogo Halo 3, que será o título que sen dúbida dará un importante pulo á plataforma Xbox 360, pero que está a atopar os típicos atrancos debidos á piratería. Así, nos pasados días algún desconsiderado subiu a YouTube un vídeo de 6 minutos cea escena final do xogo e agora parece que hai unha copia ilegal circulando pola Rede.

Pero o xogo non só se está a filtrar antes do seu lanzamento a través da Internet, senón que mesmo unha tenda de Reino Unido non respectou a data de lanzamento do xogo, e o puxo á venda prematuramente, polo que non debe de sorprender que nas webs de poxas aparezan unidades orixinal á venda (aínda que a prezos elevados).
Parece que as unidades británicas son as que provocaron a filtración á Rede do xogo, pois a copia que circula é da versión PAL (europea) e, aínda que algúns dos ficheiros que circulan pola Internet son fakes (non son realmente o xogo), a copia de 7,2 Gb acreditada por un grupo chamada Paradogs parece real.
Agardemos que todos estes problemas non eclipsen o que será o lanzamento do ano, non só no sector dos videoxogos, senón de toda a industria do lecer (xa conta con 1,2 millóns de reservas en todo o mundo).