Halo 3 convértese na estrea dun produto de lecer máis forte da historia

xoves, 27 de setembro do 2007 Marcus Fernández

Bill Gates fixo entrega dunha copia de Halo 3 ó primeiro comprador

Como xa pasou co Halo 2, a terceira entrega das aventuras do Master Chief arrasou nos EE.UU., superando en recadación a Spider-Man 3 cuns 170 millóns de dólares (fronte ós 151 millóns da primeira fin de semana da película da Marvel) o que non só supón unha boa nova para a venda de xogos, senón tamén para o de consolas, pois o Halo 3 podería ser o xogo que dese o pulo que lle faltaba á Xbox 360.
Microsoft anunciou que antes de que abrise ningunha tenda xa estaban vendidas 1,5 millóns de copias do xogo grazas ás compras anticipadas, superando a marca anterior, e convertendo o lanzamento de Halo 3 en todo un fenómeno nos EE.UU., onde se formaron grandes colas. O xogo venderase en 37 países e estará dispoñible en 17 idiomas, o que incrementan tamén as posibilidades de éxito deste produto que continuar a rachar cos records de vendas, o que xa é habitual na súa saga.

O propio Master Chief facía garda nas colas norteamericanas para mercar o novo xogo

Pero que Halo 3 tivese unha estrea máis forte que o último libro de Harry Potter ou a última película de Spider-Man non é o único a subliñar neste momento, senón que tamén se notou no xogo en rede, xa que a plataforma Xbox Live rexistrou máis de un millón de xogadores que se conectaban para xogar ó novo videoxogo, converténdose no día máis activo da historia da rede de xogo en liña de Microsoft.

PUBLICIDADE