Hilario Pino estrea un programa de entrevistas na web

O xornalista Hilario Pino, sen abandonar o seu traballo coma presentador do informativo do serán de Telecinco, volve a facer entrevistas como na súa etapa á fronte de Cara a Cara en CNN+, pero desta volta aposta por un medio en liña, NegóPolis, nun espazo titulado Con Otra Cara, no que se recollerán conversas con grandes personaxes do noso tempo nun ton distendido e social, que se estreou co propio Pino, tralo que se viaxou ata El Bulli para falar con Ferrán Adriá.
Esta fichaxe de NeóPolis pretende xuntar «a alma da televisión co corazón da Internet» segundo os seus responsables, mentres que Hilario Pino asegura que o formato de entrevistas levado á Internet ten vantaxes, xa que «ten que ser máis espontáneo, ten que ser máis natural. Dalgún xeito ten que ser máis verdadeiro o da Internet».
As pezas de vídeo que compoñen Con Otra Cara se poderán ver directamente dende a web, así como descargar en formato Flash, Windows Media Vídeo e Quicktime ou adaptadas para o iPod, a PSP ou o móbil.