Hogwarts Legacy chega a PlayStation Plus

En abril o catálogo de xogos de PlayStation Plus achega unha importante novidade: o xogo Hogwarts Legacy na súas versións para PlayStation 4 e PlayStation 5, permitindo así que quen aínda non se introducise no mundo máxico saído da mente de J. K. Rowling en formato interactivo poidan gozar deste xogo de rol e mundo aberto no que adoptamos o rol dun estudante na escola de maxia máis famosa da ficción.
Aínda que o xogo baseado na franquía de Harry Potter eclipsa ao resto, non é o único xogo que teremos en abril, pois tamén están dispoñibles os xogos para PS5 Blue Prince, Lost Records: Bloom & Rage – Tape 2 e EA Sports PGA Tour, o xogo para PlayStation 4 Battlefield 1, e o xogo para PS4 e PS5 PlateUp!.
Por outra banda, os usuarios de PlayStatio Plus Premium tamén teñen a posibilidade de gozar un par de xogos moi interesantes Alone in the Dark 2 (compatible con PS4 e PS5, aínda que fose un título para a PlayStation orixinal) e War of the Monsters (tamén compatible con PS4 e PS5, aínda que desta volta sexa unha versión remasterizada dun título para PS2).