Humble Bundle anÃnamos a crear os nosos propios videoxogos
martes, 1 de agosto do 2017
Os
usuarios que queiran aprender a facer os seus propios videoxogos teñen agora
unha nova oportunidade de achegarse a este mundo grazas á última iniciativa
solidaria de Humble Bundle, que durante un par de semanas ofrecerá a ferramenta
de creación de videoxogos GameMaker
Studio de YoYoGames xunto con varios xogos desenvolvidos coa mesma (para
que os usuarios poidan xogar e aprender como están feitas esas creacións).
O The Humble
GameMaker Rebundle parte dun lote de xogos xunto co GameMaker: Studio Pro,
o que permite facer xogos multi-plataforma dun xeito doado, estando dispoñible
para calquera que contribúa á campaña solidaria; quen pague máis da media (algo
máis de 9 euros) recibirá algúns xogos adicionais e o módulo que permite
exportar as creacións de GameMaker a HTML5, o que permite incrustar os xogos en
páxinas web e incluso en Facebook; e, finalmente, quen pague a partires de 15
dólares recibirá algún xogo máis e os módulos de exportación para Windows
Phone, iOS e Android, ou sexa, que abre á porta á creación de xogos para dispositivos
móbiles dun xeito moi accesible.
Esta ferramenta empregouse para desenvolver xogos como Spelunky e Maldita Castilla,
polo que a súa solvencia como plataforma para a creación de xogos está máis que
demostrada, cunha profundidade que permÃtelle abordar numerosos xéneros (dende
un runner até unha aventura gráfica) e
niveis de acabado (dende un básico xogo pixel
art até unha produción con gráficos detallados).