IBM convértese en socio tecnolóxico de La Caixa
venres, 30 de decembro do 2011
IBM e La Caixa selaron esta semana un acordo
encamiñado a
optimizar a xestión do equipamento tecnolóxico da entidade financeira. A
alianza, que abrangue un perÃodo de colaboración de dez anos, fixa a IBM como
socio TIC da entidade financeira, unha das máis importantes do eido estatal e
europeo. Máis en detalle, a través deste acordo vaise xestionar o orzamento de
infraestruturas do grupo bancario, máis de 2.000 millóns de euros nun perÃodo
de dez anos. A metade deste presuposto constitúe o valor do contrato para IMB, correspondéndolle
a outra metade á Sociedade de Servizos Informáticos do Grupo La Caixa (SILK) para
a xestión de servizos achegados por terceiros.
A multinacional IBM fornecerá á caixa de
servizos de infraestrutura TIC, xestión de aplicacións e operacións. Asemade,
tamén operará os centros de proceso de datos de La Caixa, emprazados en
Cerdanyola del Vallés e Sant Cugat del Vallés (Barcelona). A nova alianza,
informan ámbalas partes, suporá un aforro de 400 millóns de euros para a
entidade financeira, grazas sobre todo ás melloras previstas no control dos
seus equipamentos da información e, polo tanto, na información mesma, miolo de
vindeiras estratexias como por exemplo a creación de proxectos de mobilidade,
redes sociais e computación na nube.