Incorporan un editor de vídeo en liña a YouTube

YouTube, tras engadir a posibilidade de cargar vídeo ó seu sistema directamente dende unha webcam estaba claro que tiña unha deficiencia: a edición do material cargado. Así, agora presenta unha ferramenta en liña que permite ós usuarios a montaxe dos seus clips de vídeo, cortándoos, engadíndolles gráficos e música e mesmo incorporando efectos de transición, nunha sinxela interface que pode lembrar a aplicacións informáticas coma o Windows Movie Maker.
Deste xeito YouTube Remixer é unha solución moi axeitada para usuarios ocasionais, que non teñen grandes esixencias como para empregar un sistema de edición non lineal para os seus vídeos domésticos ou gravacións feitas por cámaras web. Co novo sistema tamén se potencia a publicación de contidos captados co teléfono móbil.