Jesús Vázquez achégase ó móbil no xogo oficial do concurso ¡Allá Tú!

Gameloft lanzou o videoxogo oficial para móbiles baseado no concurso televisivo ¡Allá Tú!, presentado polo ferrolán Jesús Vázquez. O xogo reproduce a trama do concurso, que pon a proba a capacidade de negociación do xogador mentres a banca valora as posibilidades do concursante de levar un bo premio, tralo que realiza ofertas para tentar ó xogador a abandonar.
Jesús Vázquez estará presente no xogo baseado no concurso de Telecinco, de xeito que interactuará co xogador, achegando a experiencia de xogo ó propio concurso televisivo (grazas tamén á reprodución da música orixinal e a visión do plató auténtico do programa), mentres o xogador irá descubrindo os premios que conteñen as 22 caixas que recollen premios de entre 10 céntimos a 600.000 euros (ou mesmo con artigos sen valor).