Jetpack facilita a integración da intelixencia artificial xenerativa en WordPress

Para potenciar as páxinas web creadas con WordPress os seus creadores comercializan unha serie de servizos baixo a marca Jetpack que van dende a realización de copias de seguridade até a integración dun sistema de relación cos clientes, e que agora está a causar sensación ao estrear Jetpack AI Assistant, ferramenta que permite tirar proveito en páxinas web hospedadas en WordPress.com e en calquera outra páxina web con Jetpack (como os millóns de sitios web que funcionan con WordPress).
Este novo asistente integrado en Jetpack intégrase perfectamente en WordPress, de xeito que cando estamos no editor de publicacións podemos empregalo para, por exemplo, crear contido de xeito automático mediante ordes de texto (creando entradas de blog, páxinas detalladas, listaxes estruturas e táboas). Os contidos xerados tamén poden adaptarse ao ton que lle indiquemos en función dos obxectivos da páxina web en cuestión (pode amosar certa simpatía nun blog persoal ou ser máis formal nunha páxina web corporativa), axuda na creación de títulos e resumos do noso texto, pode traducir entre 12 idiomas, evita os erros ortográficos e gramaticais, e incluso pode funcionar como un chat para conversar coa intelixencia artificial como se fose un colaborador máis.
Os usuarios de WordPress.com poden xa tirar proveito do Jetpack AI Assistant totalmente de balde (por tempo limitado) mentres que o resto de usuarios que queiran tirar proveito da intelixencia artificial para a creación de contidos en liña deberán pagar unha subscrición de 11 euros/mes.