José Tojeiro, elixido coma o maior friki galego

A Internet facilita a creación de estrelas, personaxes que polas súas características peculiares gozan de moita popularidade pese a que non sexan figuras relevantes para os medios de comunicación de masas, polo que dende o blog Galicia Profunda organizaron a I Edición dos Premios 100% friki galego, dos que veñen de darse a coñecer os gañadores, confirmándose que pese a aparecer en televisión hai moitos anos, José Tojeiro segue a ser considerado o rei de reis entre os frikis galegos co 54% dos votos recibidos, superando a Cañita Brava, Wladimir Dragossan e John Balan.
Noutras categorías tamén se recoñeceu a Manuel Fraga coma o político máis peculiar co 56% dos votos; o vídeo galego máis impactante foi E ló!: querendo botar un polvo co 29% dos votos (pese a que se trata dun corte de audio pendurando en YouTube en vez dun vídeo) e coma noticia de 2008 resultou galardoada a gravación dun vídeo pornográfico na Praza do Obradoiro (co 59% dos votos).

Vídeo que fixo famoso a José Tojeiro na Internet