Larry Laffer saltará ós móbiles

En 1987 apareceu o xogo Leisure Suit Larry in the Land of the Lounge Lizards (que contaría cun remake en 1991 e mesmo con 6 secuelas) no que o usuario tomaba o control de Larry Laffer á procura do amor, que é un dos poucos videoxogos para adultos que había naqueles tempos, o que lle outorgou unha sona importante e que agora Vivendi anuncia que levará do PC ó móbil a súa última aventura, Love for Sail.
Os responsables do xogo declararon que manterán o “icónico humor de Larry” aínda que é de agardar que omitan certos detalles que poderían valerlle a crítica por parte dos colectivos de pais (lembremos que na primeira entrega do videoxogo había que empregar anticonceptivos ó practicar sexo para non pillar unha enfermidade venérea, algo que podería escandalizar a moitas persoas nun momento no que a tolerancia polo sexo e a violencia nos videoxogos non parece estar pasando polos seus mellores tempos). Ou sexa, que adaptarán o xogo de Larry para que sexa apto para un grande público.