Lumines terá versión para PC

Q Entertainment solicitou ó Entertainment Software Ratings Board (ESBR) a cualificación por idade do xogo Lumines para PC, o que creou un ruxe ruxe sobre a posible aparición deste xogo musical de puzzles nunha versión para Windows, de xeito que pretenderían repetir o éxito do título na consola PSP na que é un referente (coma no seu día fora o Tetris para GameBoy).
Os responsables de Q Entertainment xa confirmaron que están a traballar na versión para PC de Lumines, aínda que parece que se demoraron moito en levar o seu xogo ós ordenadores persoais, dado que na actualidade xa existen moitas imitacións do mesmo.