Mañá chega ás tendas españolas o xogo Metal Gear Solid 4

Finalmente o xogo Metal Gear Solid 4 para PlayStation 3 chegará ás tendas españolas este martes, tralos problemas de distribución por mor do paro do transporte en todo o Estado, aínda que os fieis seguidores de Solid Snake deberán apurarse se queren facerse con copias do agardado xogo de Hideo Kojima, posto que se pensa que o número de unidades distribuídas será bastante limitado, agardándose que se esgote en poucas horas.
Nalgunha web incluso se comenta que hai españois que adquiriron o xogo fóra do territorio español, pois lembremos que a PlayStation 3 non fai discriminación por zonas e o Metal Gear Solid 4 non está dobrado ao español (detalle polo que se desculpou o propio Kojima na súa presentación en Madrid).