Medio Ambiente tira proveito dun libro dixital para concienciar sobre a compostaxe
luns, 11 de febreiro do 2019
A ConsellerÃa de Medio Ambiente, Territorio e
Vivenda, a través de SOGAMA, difunde entre os centros escolares de infantil e
primaria de Galicia a publicación Aqueles
monstros anciáns que viven baixo a terra, libro que aborda
as vantaxes sobre a compostaxe en formato dixital.
A
edición deste tÃtulo é unha iniciativa do proxecto de cooperación
transfronteiriza Res2ValHum, integrado no programa INTERREG V-A
España-Portugal (POCTEP) 2014-2020, no que participan sete socios. Por parte de
Portugal, participan a Universidade do Minho, que asume o seu liderado, sendo o
principal beneficiario, o Centro de Valorización de Residuos, o Servizo
Intermunicipalizado de Xestión de Residuos de Grande Porto e BRAVAL
(Valorización e Tratamento de Residuos Sólidos, S.A). Por parte de Galicia,
participan SOGAMA (Sociedade Galega do Medio Ambiente), a Universidade de
Santiago de Compostela e o Centro de Valorización Ambiental do Norte, S.L.
O principal obxectivo desta iniciativa é
enxalzar as vantaxes asociadas á recuperación da materia orgánica mediante a
súa transformación en compost, con amplas posibilidades, non só na actividade
puramente agrÃcola ou como remedio para os solos contaminados, senón ata no
ámbito da cosmética e accións terapéuticas diversas.
Os protagonistas desta historia son tres
microorganismos, Rufo, Pedro e Coco, que viven baixo a terra, onde pasan o seu
tempo comendo restos orgánicos que logo converten nun slime máxico que se chama compost,
un abono natural que aporta nutrientes de alta calidade para plantas e cultivos
que logo serven de alimento.
No conto amósase como o compost aporta nutrientes que melloran o crecemento das plantas,
polo que se anima aos nenos a facer este abono natural no cole ou nos seus
fogares coa comida sobrante, xa que Rufo, Pedro e Coco estarán esperando este
residuo coa boca aberta.