Microsoft quence motores para presentar mañá o seu novo buscador
mércores, 27 de maio do 2009
- Versión de proba de Kumo, antes de cambiar o seu nome por Bing
Malia que polo de agora pouco se sabe do
próximo gran lanzamento que levará a cabo o xigante informático Microsoft para
facerse un óco entre os principais motores de búsqueda en liña do mundo, o buscador
Bing, os medios de comunicación estadounidenses xa comezan a filtrar pinceladas
de información sobre como vai ser o produto da compañía de Bill Gates que
competirá con Yahoo!, Google e incluso co propio Live Search, que a duras penas
acada o 8 por cento das consultas en liña en Estados Unidos.
A presentación do novo buscador que os
medios nacionais deron en chamar “antigoogle”,
terá lugar mañá xoves da man do conselleiro delegado do grupo, Steve Ballmer,
no marco da clausura do congreso All
Things Digital, que se está a celebrar en California.
Bing, o ultimo buscador en liña de
Microsoft, combinarase (a lo menos durante os primeiros dous meses nos que
permanecerá a versión de proba, beta), co actual buscador Windows Live Search,
dentro do portal MSN.
A actual proposta da compañía
norteamericana non acada nin a terceira parte das consultas en liña de Yahoo! e
Google no seu país de orixe, e moito menos en España, onde se calcula que este
último motor de búsqueda acapara o 99 por cento do total das procuras en liña.
Logo do fracaso das negociacións para a
compra de Yahoo! o pasado ano, Microsoft investiu unha substancial cantidade de
diñeiro para mellorar os servizos do seu portal MSN, unha iniciativa que agora
combina co lanzamento do Bing, un buscador cuxo nome en chave ata o de ahora
era Kumo e no que Gates investirá preto de 100 millóns de dólares para o seu
lanzamento (sobre todo na campaña de marketing).
Segundo vén de publicar o xornal
Expansión, o novo buscador será “máis
intelixente”, entendéndose como tal un sistema que permite distinguir o
contexto das procuras e así delimitar mellor o número de resultados.
Pese a todo, segundo afirma o devandito
xornal, o máis probable é que a versión de Bing que se presente en EEUU “pouco teña que ver co produto en Europa”
xa que, segundo parece, Microsoft vai precisar varios meses para comprobar
cales son as funcións máis exitosas no maior mercado en liña do mundo antes de
implantalas no resto dos continentes.