Modifican o último xogo de Tomb Raider para ver a Lara Croft en topless

A última entrega do xogo de Tomb Raider que celebra o 10 aniversario da saga parece querer continuar fiel a vellos costumes, e así vén de aparecer un parche que modifica o xogo para amosar á protagonista, Lara Croft, parcialmente espida, ou sexa, en topless, o que se conseguiu sinxelamente substituíndo as texturas gráficas que se proxectan sobre a superficie tridimensional do personaxe virtual.
Este tipo de modificacións en xogos vén a ser moi habitual, aínda que hai que recoñecer que o seu interese non vai máis aló do de ser unha curiosidade (lembremos que estamos a falar dunha moza virtual) pero os fabricantes do xogo sempre insisten nestes casos no feito de que estas alteracións dos seus xogos non son oficiais (pois podería afectar á cualificación por idades dos mesmos).