Motel Valkirias será recoñecida como mellor serie nos Premios CIRCOM
xoves, 27 de abril do 2023
A serie de televisión
Motel
Valkirias, coproducida pola galega CTV e a portuguesa SPi, co apoio de
Agadic, a Xunta de Galicia, Turismo de Portugal, PIC Portugal, a Deputación de
Ourense e a Cámara Municipal de Montealegre, vén de ser elixida como gañadora
no apartado de entretemento e ficción nos Premios CIRCOM Regional que se
entregarán o vindeiro 1 de xuño nunha gala que terá lugar en Donostia no marco
da 39ª Conferencia Anual de CIRCOM, que nesta ocasión está organizada pola
EiTB.
A serie protagonizada por MarÃa Mera, Marina Mota e Maria João Bastos, que
conta tamén coa presenza dos galegos Chechu Salgado, Miro Magariños, Miguel
Borines e Vicente Mohedano, pode
verse actualmente a través de HBO en España e Portugal, asà como na TVG (onde
rematará o vindeiro luns) e na RTP (onde completaron a emisión o pasado luns).
Estamos ante a décima ocasión na que a TVG recibe un galardón nos Premios
CIRCOM, sendo as anteriormente premiadas series como Matalobos e 3
Camiños e incluso as xornalistas Alba Mancebo e Noelia Rey fixéranse con
cadanseu recoñecemento como talento mozo en pantalla.