Nace Lainformacion.com, un medio con vocación revolucionaria

Despois de moitos meses de traballo e varias semanas en probas, a pasada noite apareceu oficialmente na web lainformacion.com, un novo medio en liña desenvolvido por DixiMedia Digital que mestura a partes iguais máquinas, xornalistas e usuarios, creando unha plataforma moi dinámica que neste momento só presenta unha pequena parte do que será no futuro, xa que limítase a publicar información recollida por robots a partir de máis de 1.800 fontes de información (entre os que hai tanto medios de comunicación tradicionais coma blogs) consistente nun pequeno extracto que remite ao medio orixinal, pero co tempo contará con produción propia e diversidade de formatos (non se limitará a textos e imaxes).
Nestes primeiros pasos, Lainformacion.com está ter certos problemas, e non é raro atopar con que cargan mal algunhas das súas páxinas (amosando mensaxes de erro ou incluso código fonte) pero é comprensible nunha plataforma tan nova que aínda está en beta, o que é aínda máis tanxible ao movernos polas súas distintas seccións, pois algunhas informacións están mal cualificadas ou mesmo repetidas, detalles que poderán pulirse pouco a pouco para crear un medio de comunicación xeneralista e independente, que poida gañarse un posto entre outros medios puramente dixitais.
Este proxecto está encabezado por Mario Tascón, que exerce de conselleiro e editor (e que fundou no seu día a edición dixital de El Mundo e tamén traballou coma director xeral de Prisacom); mentres que a dirección de lainformacion.com recae en Vanessa Jiménez.
Chega así a súa fin o Proyecto i, de xeito que agora a cabeceira xa ten un nome de seu, que serán un máis das iniciativas que promove DixiRed, xunto coa Practicopedia e o blog 233grados.

Vídeo de presentación de Lainformacion.com