Nace Wikisaber.es, un novo portal educativo para alumnos, mestres e familias
luns, 2 de marzo do 2009
Manuel Bragado, o director xeral de Edicións Xerais de
Galicia e autor do blog Brétemas, vén de
publicar unha entrada neste último que anuncia a presentación do novo portal educativo Wikisaber.es,
unha web promovida por Intel Educación que terá lugar o vindeiro 11 de marzo en
Madrid.
O novo portal ten carácter gratuíto e aposta, segundo
Bragado, “polo ensino e aprendizaxe
colaborativos”; asemade, anúnciase como concibido para ser empregado en
tódolos cursos do ensino obligatorio e é accesible tanto para alumnos como para
profesoarado ou familias.
Nembargantes, Manuel Bragado asegura que algúns contidos “son tradución e adaptación ao castelán
doutros nativos en inglés” e non se advirte a presenza doutras línguas
oficiais españolas na ferramenta.
Asemade, Bragado engade que Wikisaber “xa mantén un blog de
noticias sobre o proxecto” e predí que “nos
vindeiros meses han aparecer outras iniciativas de ofertas de contidos
educativos electrónicos, formalmente vencelladas ao desenvolvemento da
competencia dixital nas aulas”, que o autor seguirá e valorará con
interese.
