Nace o Bamboo Mini Zzing, unha ferramenta para facer soar vasos virtuais

Imaxina varios vasos cheos de auga; que pasa se fregamos os seus bordos ous os golpeamos cunha vara metálica? Pois que creamos sons (non creo que sexa axeitado chamarlle música ao que sae daí). Evidentemente, temos que estar moi aburridos (ou moi inspirados) para non ter máis que facer e probar a facer soar vasos; tan aburridos e ociosos como para probar unha nova Bamboo Mini, a Zzing, que xa está dispoñible na web oficial para a súa descarga de balde no ordenador.
Esta ferramenta permite crear diversos sons e efectos visuais fregando e golpeando cada vaso de auga virtual a través dun lapis Bamboo. Tan só hai que modificar o nivel de auga nos vasos para comprobar en liña a diferenza que se acada tanto no ton coma no volume adquiridos mediante o golpeo dos mesmos.
Os creadores da ferramenta aseguran que Bamboo proporciona “un modo creativo e mellorado de usar un ordenador” (aínda que tamén de perder o tempo) e engaden que é unha maneira “natural, excitante e creativa de empregar a tecnoloxía para expresar ideas e comunicarnos dunha maneira máis persoal e única”.
Trátase dunha familia de pen tablets para o consumidor: Bamboo, Bamboo Fun e Bamboo One, que veñen provistas dun lapis ergonómico (que non precisa nin batería nin cables), e dun software adicional para escribir ou debuxar o que queiramos.
Os Bamboo Minis son unha serie de pequenas ferramentas para o escritorio, que permiten que os usuarios fagan centos de cousas (todo o que a cabeza dea de si), dende pintar garabatos e facer bosquexos de debuxos, ata engadir texto manuscrito nun mapa ou gozar de xogos do máis aditivo (tales como o devandito Zzing ou o coñecido Mah Jongg).