No outono chegará Metal Slug 7 á Nintendo DS

A saga de xogos de Metal Slug leva 12 anos dando guerra en máquinas recreativas, ordenadores e consolas de videoxogos, e finalmente preparan a súa chegada á Nintendo DS con Metal Slug 7, título desenvolvido por Ignition en colaboración con SNK Playmore que chegará ás tendas no outono (posiblemente o 18 de novembro).
O novo xogo conservará a aparencia bidimensional desta franquicia de xogos de acción de desprazamento horizontal no que poderemos elixir entre 6 personaxes xogables para superar 7 novas misións nas que aparecerán novas armas, novos inimigos e novos modos de xogo.