Novo trailer de Star Wars: The Force Unleashed

mércores, 9 de xullo do 2008 Marcus Fernández

Unha das novas imaxes do xogo presentadas esta semana

O xogo Star Wars: The Force Unleashed vén de estrear un novo trailer no que se adiantan moitos detalles sobre a trama do novo título de LucasArts, que promete ser moi emocionante, e parece que o aprendiz segredo de Darth Vader (protagonista do xogo) rematará enfrontándose ao seu mestre, o que fai que os afeccionados á saga cinematográfica de George Lucas estean aínda máis ansiosos por probar este título do que nos últimos días tamén puidemos ver máis imaxes.
A data de lanzamento para Europa do xogo está fixada para o 19 de setembro, e aínda que as versións de Xbox 360 e PlayStation 3 vaian a presentar uns gráficos de impresión, a versión para Nintendo Wii podería eclipsalas xa que permitirá empregar o Wiimando coma se fose unha espada de luz.


Novo trailer do xogo

PUBLICIDADE