Novo vídeo de Matt Harding bailando por todo o mundo
xoves, 21 de xuño do 2012
Así
a bote pronto é posible que o nome de Matt Harding non nos soe de nada ou o
relacionemos con algún cantante de rock ou soul,
ou mesmo con algún piloto de carreiras; e se preguntamos onde está?, é probable que pouca
xente nos saiba responder ó primeiro intento (exceptuando os seus fieis
seguidores na Rede).
Agora
ben, se a resposta que damos é “bailando por todo o mundo”, xa é máis probable
que ás persoas enquisadas lle veñan de inmediato á mente os vídeos que este
home gravou por toda a xeografía co seu peculiar (e ridículo) baile.
Pois
ben, este estadounidense afeccionado a viaxar, que un bo día decidiu abandonar
o seu traballo como programador de videoxogos e gastar os seus aforros dando a
volta ó mundo, vén de lanzar a súa última recompilación de vídeos, a do 2012,
que malia ser igual de divertida e incluso mellor tecnicamente que as
anteriores, perde a súa esencia fundamental: o seu peculiar baile.
Sevilla
e Barcelona foron a súas paradas en España este ano, onde comprobou e mostra a
beleza do baile flamenco, e a boa acollida dos e das españolas cando se trata
de armala boa na rúa.
Os millóns
de persoas que gozaron das súas anteriores pezas audiovisuais (do 2006 e do
2008), non van deixar de facelo nesta entrega, sobre todo tendo en conta que os
catro anos que lle levou preparala non serviron só para viaxar e gravar cada
peza bailando, senón tamén para coordinar unha traballada coreografía cos
habitantes de cada zona visitada. O resultado final é unha peza de baile coordinada
e ben estruturada, na que semella que a poboación de todo o mundo se puxo de
acordo para facer dela un novo éxito na Rede.
O novo vídeo de Matt Harding bailando