Novo xogo de South Park para móbiles

xoves, 9 de novembro do 2017 Marcus Fernández

As aventuras de South Park chegan aos móbiles nun xogo no que poderemos xuntar a un equipo de míticos personaxes para realizar extravagantes combates nun xogo ­free-to-play que podemos descargar xa de Google Play e da App Store. South Park: Phone Destroyer presenta un xogo de batallas en tempo real baseada en naipes no que non falta o humor propio da serie de animación.
Neste xogo poderemos xuntar a un equipo definitivo de vanqueiros, magos, cyborgs e outros tipos de personaxes, que non deixan de ser os nenos da vila de South Park, ou sexa, que poderemos ver ao Cyborg Kenny, Kyle Ninxudeo, Cartman o Grande Mago ou Stan de Moitas Lúas, que poderán participar en combates de xogador contra xogador en tempo real.
South Park: Phone Destroyer conta cunha divertida historia para un xogador escrita en colaboración cos creadores da serie de televisión e con 60 escenarios que percorrer. O xogo convídanos a xuntar e mellorar máis de 80 naipes únicos que inclúen novos deseños e que poden compartirse cos compañeiros para mellorar os mazos.

Vídeo promocional do xogo

PUBLICIDADE