O Black Friday chega a Xbox

As grandes compañías de videoxogos están a ser prudentes co lanzamento das súas ofertas de cara ao Black Friday, e polo momento só Microsoft lanzou a súa campaña de rebaixas que terá lugar até o 2 de decembro, e que internacionalmente limítase aos videoxogos (aínda que nos EE.UU. tamén afecta a consolas e accesorios).
As ofertas de Black Friday para Xbox son bastante completas, con descontos significativos, de xeito que podemos adquirir o EA Sports FC 25, Resident Evil 4, Tekken 8, Forza Horizon 5 e moitos outros títulos a metede de prezo; xogos como Diablo IV: Vessel of Hatred e Star Wars Outlaws cun 25% de desconto; Halo: la colección Jefe Maestro cun 75% de desconto; Senua’s Saga: Hellblade II cun 35% de desconto; e incluso descontos do 85% en clásicos como A Way Out.
A meirande parte dos xogos de Assassin’s Creed teñen descontos de entre o 60% e o 85%, facilitando así que os seareiros da saga poidan completala; e tamén experimentan descontos semellantes os xogos de Borderlands, Battlefield, Fallout, Far Cry, Final Fantasy e outras series relevantes.