O CITIC acolle esta semana as XV Xornadas de Enxeñería Telemática
martes, 26 de outubro do 2021
O
Centro de Investigación TIC (CITIC) da Universidade da Coruña
acolle esta semana a quince edición das Xornadas
de Enxeñaría Telemática – JITEL 2021. Será os días 27, 28
e 29 de outubro. A inauguración é este mércores na Sala Cloud do
CITIC ao fío das 9.00 horas. As xornadas veñen da man do centro da
UDC xunto coa Sociedade Científica de Enxeñería Telemática
(SCITEL).
O
acto de apertura do congreso contará coa presenza do reitor da
Universidade da Coruña, Julio Abalde; o director xeral de
Telecomunicacións e Ordenación dos Servizos de Comunicación
Audiovisual do Goberno de España, Arturo Azcorra Saloña; a
investigadora e membro do Comité de Dirección do CITIC, Bertha
Guijarro Berdiñas; e o presidente do Comité de Programa das XV
Xornadas de Enxeñería Telemática, Víctor Manuel Carneiro Díaz.
Durante
as tres xornadas, presentaranse máis de medio centenar de traballos
e agárdase a asistencia de arredor de 70 profesionais do ámbito da
telemática.
En
palabras do CITIC, as xornadas constituirán “un foro propicio de
reunión, debate e divulgación para os profesionais que imparten
docencia e investigan en temas relacionados coas redes e os servizos
telemáticos”. Coa celebración deste evento “preténdese
fomentar, por unha banda, o intercambio de experiencias e resultados
e, por outra, a comunicación e cooperación entre grupos de
investigación que traballan en temas relacionados coa telemática”,
engaden fontes do CITIC.
