O CITIC presenta ás súas novas incorporacións
xoves, 22 de xuño do 2017
Este 20
de xuño o Centro de Investigación TIC (Campus de Elviña, A Coruña)
encheuse de caras novas. O motivo? A celebración da presentación
dos investigadores predoutorais, postdoutorais e investigadores de
apoio ás diferentes liñas de investigación do centro. En palabras
do CITIC, foi “un gran broche final” a un proceso de selección
comezou en febreiro deste ano coa convocatoria de oito prazas para a
contratación de investigadores en formación a tempo completo, ao
que seguiu unha segunda convocatoria en marzo dirixida a contratar
catro investigadores asociados e a posterior contratación de nove
investigadores de apoio ás liñas de investigación do Centro.
Todos os procesos están a ser financiados pola
Xunta de Galicia e a Unión Europea a través do Fondo Europeo de
Desenvolvemento Rexional (FEDER) con cargo á axuda de Centros
Singulares de Investigación de Galicia para o período 2016-2019
recibida polo CITIC. O Centro de Investigación TIC continúa o seu
labor con novas forzas e novos puntos de vista que, nas súas
palabras, “enriquecerán o traballo levado a cabo no centro”.