O Congreso desestima a proposta de crear un Premio nacional do Blog
xoves, 26 de marzo do 2009
A Comisión de Cultura do Congreso, que o pasado 26 de
decembro de 2008 recibiu unha Proposición non de Lei, por parte do Partido
Popular, para que o Goberno establecera un Premio
Nacional do Blog, vén de desestimar a iniciativa do partido argumentando que
“antes habería que estudar se esa forma
de expresión dixital é un novo xénero cultural”.
A Proposición non de Ley do PP, que tiña como
finalidade recoñecer a importancia de
Internet “como un novo espazo de creación”,
foi defendida polo seu portavoz na Comisión, José María Lasalle, quen
xustificaba o novo premio na “enorme
magnitude e relevancia que está a ter Internet para a creación cultural”;
un proceso que, segundo afirma, “medrou
exponencialmente grazas ás ferramentas que ofrece o que se coñece como Web 2.0”.
Luis Tomás García, do PSOE rexeitou a proposta do seu rival
máis directo afirmando que, pese a ser unha iniciativa “ocorrente”, “navega en pura indefinición”.
Nembargantes, o portavoz socialista anunciou a vontade do
seu grupo de presentar unha iniciativa parlamentaria sobre a creación dun
premio que incentive os sitios web e cuxa finalidade sexa o fomento da cultura
na Rede.
Na actualidade, o meirande recoñecemento que pode obter un
blogueiro son os premios BOBs ((The Best of the Blogs), organizados por Deutsche Welle, que
este ano galardoaron á cubana Yoani Sánchez.