O GTA IV podería permitir a participación de ata 16 xogadores simultáneos

Os problemas coa censura non parecen ser os únicos motivos da demora do lanzamento dos últimos xogos de Rockstar, senón que o Grand Theft Auto IV podería achegar un novo sistema de xogo que permitiría ata a 16 persoas enfrontarse no mundo virtual do xogo, o que sería un engadido moi interesante a esta saga de grande éxito comercial (en boa medida promovido polas críticas dos medios e a consideran demasiado violenta).
Parece que os desenvolvedores están a probar distintos xeitos que permitan achegar innovacións a esta última entrega, que podería ter todo o seu mundo aberto dende o principio da partida, incrementando a liberdade do xogador. A compañía tamén busca un xeito de cadrar o xogo multiusuario para que non se limite a un modo todos contra todos.