O Goberno agradece á Delegación de Defensa en Galicia o seu apoio firme á materialización das Cidade das TIC
venres, 19 de novembro do 2021
Este
18 de novembro celebrouse na Coruña o 25 aniversario da Delegación de Defensa
en Galicia. No acto participaron o coronel Antonio Bernal, e a
subdelegada do Goberno na Coruña, María Rivas, que puxo en valor o
papel desta entidade “no desenvolvemento dalgúns dos principais
proxectos estatais na provincia coruñesa”.
Rivas
reiterou o seu agradecemento ás Forzas Armadas polo seu labor e
traballo durante a crise sanitaria, na que “se converteron nun dos
elementos de referencia para a sociedade coruñesa”. Tamén fixo
referencia a iniciativas como a adxudicación a Navantia Ferrol da
construción do cinco fragatas F-110 ou “á eficaz intervención da
Delegación de Defensa na materialización da Cidade das TIC da
Coruña”, destacando a xestión realizada para a cesión dos
terreos (ocupados polos inmóbeis da antiga Fábrica de Armas) á
Universidade da Coruña para o desenvolvemento deste proxecto
centrado nas Tecnoloxías da Información e a Comunicación, ao
servizo dos nosos grupos de investigación e, tamén, das nosas
empresas e emprendementos.
María
Rivas sinalou respecto diso que “a Cidade do TIC é unha realidade
grazas á vontade e interese do Ministerio de Defensa, que desta
maneira contribuirá de forma decisiva a un dos proxectos
tecnolóxicos de maior calado de Galicia”. Tamén quixo destacar o
continuo traballo de achegamento da institución militar á cidadanía
e sociedade coruñesa e galega en xeral, nun proceso que non dubidou
terá continuidade durante os próximos anos.