O Goberno impulsará a renovación da web do MUNCYT
mércores, 18 de maio do 2022
A
subdelegada
do Goberno na Coruña, María Rivas, anunciou este mércores 18 de
maio a renovación de dúas salas do Museo Nacional de Ciencia e
Tecnoloxía (MUNCYT) para que este “continúe á vangarda dos
museos científicos en España”. Explicouno durante unha visita ao
centro con motivo do Día Internacional dos Museos. A renovación
incluirá (entre outras cousas) unha remodelación da páxina web.
María
Rivas, acompañada pola responsábel do museo, María Viñas,
destacou que “o primeiro museo nacional situado en Galicia é o
vivo exemplo do espírito deste Goberno”, tanto “pola
colaboración e a cooperación entre administracións, en concreto co
Concello e a Deputación, como pola aposta decidida pola ciencia”.
E engadiu: “Foron 10 anos moi frutíferos. Máis de 400.000 persoas
cruzaron estas portas. Son unha media de 50.000 ao ano. Temos que
engadirlles as visitas virtuais, que son máis recentes pero que nos
dous últimos exercicios superaron as 150.000 persoas”, subliñou.
Segundo
dixo, o Plan de Actuación do MUNCYT para 2022 e 2023 inclúe varios
elementos clave, entre os que se atopa a renovación das salas
Misceláne e Iberia, a conservación da Quimera (a máquina de
ferrocarril que está na entrada) e a renovación da páxina web do MUNCYT (para mellorar a
experiencia dos visitantes virtuais).