O Libro Guinness dos Records contará cunha edición sobre videoxogos

O vindeiro 18 de marzo publicarase en España unha interesante edición do Libro Guinness dos Record dedicada ó mundo dos videoxogos, que non se limitará a recoller as puntuacións máis altas acadadas en distintos títulos, senón que tamén recolle moitos dos logros acadados neste eido. Permítenos así lembrar cal foi o primeiro xogo optimizado para procesadores de 64 bits (Counter-Strike: Source), o primeiro xogo con cámara libre (Super Mario 64), os xogos máis vendidos por plataforma, a saga de videoxogos máis longa (The Legend of Zelda), a película de máis éxito baseada nun videoxogo (Tomb Raider), a saga máis vendida da historia (Super Mario) e moitas outras curiosidades.
Podemos botar unha ollada a 24 páxinas da edición británica deste libro, que saíu hoxe no Reino Unido, e que se irá publicando paulatinamente en distintos países.