O Proxecto ABALAR achegará ultraportátiles aos escolares de Ferrolterra
martes, 11 de maio do 2010
Diego Calvo, delegado territorial da Xunta de
Galicia en A Coruña, presentou hoxe o Plan ABALAR para a comarca de Ferrol, acompañado
polo director xeral de Educación, Formación Profesional e Innovación Educativa,
José Luis Mira Lema; e o subdirector xeral de Sistemas Informáticos da
ConsellerÃa de Educación, Carlos Vázquez Mariño. Deron a coñecer que os preto
de 1.360 alumnos de 30 centros de Ferrolterra terán en setembro cadanseu ordenador
ultraportátil na aula, grazas á implantación do Proxecto ABALAR nos centros
educativos da zona, que vai desenvolver a ConsellerÃa de Educación e Ordenación
Universitaria cun investimento de 1.100.000 euros en equipamento informático,
infraestruturas e formación do profesorado, o que demostra a forte aposta que a
ConsellerÃa de Educación e Ordenación Universitaria está a facer pola calidade
do ensino nos centros de Ferrol e a súa área.
Tras o encontro cos medios os representantes da
ConsellerÃa de Educación mantiveron unha reunión cos directores dos 30 centros
da comarca de Ferrol que participan nesta primeira fase do Proxecto ABALAR. Os
primeiros en entrar no proxecto para a implantación das novas TecnoloxÃas da
Información e a Comunicación (TIC), o vindeiro curso serán 68 aulas de colexios
e institutos da zona. AsÃ, os alumnos e alumnas de 5º de Primaria e 1º da ESO,
disporán de cadanseu ordenador ultraportátil. Amais, o proxecto dotará ás aulas
de encerado dixital e ordenador de sobremesa para o profesorado.
A estratexia de implantación das TIC no sistema
educativo que está a desenvolver a ConsellerÃa de Educación, a través do
Proxecto ABALAR vai supor a conversión de colexios e institutos en Centros
Educativos Dixitais, o que redundará nun cambio do modelo ensino-aprendizaxe.
Isto esixe a adopción e integración das TIC en todos os ámbitos do proceso
educativo, a través do fomento da Cultura Dixital, e coa implicación das
familias e de toda a comunidade educativa.