O alumnado galego mergullarase na enxeñaría espacial da man do proxecto europeo Cansat
luns, 18 de outubro do 2021
A
nova edición do certame de proxectos espaciais Cansat, a competición
promovida pola Axencia Espacial Europea e organizada en Galicia pola
Xunta co obxectivo de “aproximar á mocidade ao deseño,
fabricación e lanzamento de satélites de pequeno tamaño”, ten
aberto o seu prazo de inscrición ata o 3 de decembro. Ao abeiro
deste proxecto, o
alumnado (rapazas e rapazas de entre 14 e 19 anos, excluídos os
estudantes de educación superior) realizará todas as fases dun
proxecto espacial.
Dende
a Consellería de Cultura, Educación e Universidade realizaranse
actividades de formación e acompañamento aos docentes e mentores
por parte da Aula Nova do Centro Autonómico de Formación e
Innovación (CAFI). Os interesados teñen toda a información da
competición e inscricións
na páxina web do CAFI.
Deseño
e lanzamento
Como
dixemos, aao abeiro desta iniciativa o alumnado participante
realizará todas as fases dun proxecto espacial real, desde a
elección dos obxectivos da misión ata o deseño e lanzamento do
Cansat, un mini satélite dunha lata de refresco. O desafío para os
estudantes será “o de adaptar todos os subsistemas que se atopan
nun aparello espacial, como a enerxía, os sensores e un sistema de
comunicación no volume e forma dunha pequena lata de refrescos”,
explica a Consellería, engadindo que trala fase de deseño, o Cansat
será lanzado por un foguete ou desde unha plataforma, un dron ou un
globo desde unha altitude de ata un quilómetro. Durante a caída
realízase un experimento científico predefinido e unha demostración
tecnolóxica ata lograr unha aterraxe segura e analizar os datos
recompilados.
Esta
competición realízase en varias fases: rexional, nacional e
europea, onde participan equipos de todos os estados membros da
Axencia Estatal Europea. A fase rexional está organizada por
terceiro ano baixo o impulso da Consellería de Cultura, Educación e
Universidade -coa colaboración específica do departamento Aula Nova
do Centro Autonómico de Formación e Innovación (CAFI) de Santiago-
e a Vicepresidencia 2ª e Consellería de Economía, Empresa e
Innovación no marco do programa de fomento das vocacións
científicas da Civil UAVs Initiative. A celebración da nova edición
está prevista para abril de 2022.
Na
última edición o equipo galego BujanSAT, do IES David Buján en
Cambre, alzouse como campión nacional e vén de representar a España
na competición europea, na que obtivo un premio especial do xurado
recoñecendo especialmente o seu labor de difusión científica.