O buscador de imaxes de Google comeza a diferenciar as cores

Google introduce un campo de selección de cor nas buscas de imaxes

Google sorprendeu ao incorporar ao seu servizo de busca de imaxes a posibilidade de discriminar os resultados segundo a cor predominante nas mesmas, o que pode resultar tan útil como divertido, pois as cores poden axudar a atopar o que buscamos en ocasións puntuais, e neste caso non se limitará a comprobar a descrición das imaxes, senón que analizará as súas cores.
Esta funcionalidade xa estaba dispoñible nos pasados días con certos trucos, e agora pode empregarse de xeito doado, o que non parece ser moi relevante, pero indica certos avances por parte de Google na identificación de imaxes, que hoxe emprégase para discriminar cores, pero que no futuro podería servir para clasificar imaxes por caras ou outros factores comúns.