O buscador de vídeos de Google xa explora toda a web

O buscador de vídeo de Google xa non se limita a buscar contidos nos seus servidores (ou sexa, de Google Vídeo e de YouTube) e se abre ós contidos de toda a Internet, de xeito que tamén permite atopar ficheiros AVI, WMV, MPEG, FLV ou Quicktime (MOV) que se poden reproducir libremente a través da Internet (aínda que non integra nos resultados de busca por non ter necesariamente os dereitos para facer tal).
Polo momento non están indexados moitos vídeos, pero nos vindeiros días incrementarase a cantidade de contidos audiovisuais dispoñibles, de xeito que o buscador de Google gañará o peso que tiña perdido dende que a compañía mercara YouTube e deixara nun segundo plano o seu propio servidor de vídeos.
Os resultados de busca amosados por Google son bastante completos, de xeito que, aparte dun título e un breve texto, se acompaña cunha miniatura do vídeo, a posibilidade de velo dende a web (no caso de ser de YouTube ou Google Vídeo) e mesmo permite ver varias miniaturas dos vídeos que non pode reproducir vía web (para facilitar a súa identificación).